ഈ ഉത്രാട പാച്ചില് ..!!
ഉത്രാടപ്പാച്ചില് എന്നു കുറെ കാലമായി കേള്ക്കുന്നു...!!
അതെന്തു സംഭവം ആണെന്നറിയാന് ഇന്ന് ഓഫീസില് നിന്നും നേരത്തെ ഇറങ്ങി ഓടി.. അപ്പോള് ദേ.. നേരെ വരുന്നു കൊമ്പും കുലുക്കി ഒരു എരുമ...!!
ഹെന്റമ്മോ...!!
അതിന്റെ തലോടലില് പെടാതെ കഷ്ട്ടിച്ചു രക്ഷപ്പെട്ടു...!!
കുറച്ചുകൂടി മുന്നോട്ടു പോയപ്പോള് അതാ വരുന്നു..!!
ഒരു ശ്വാനന് ഓണപ്പാട്ടും പാടി...!!
കുറച്ചുദൂരം അവന് എന്റെ പുറകെ കൂടി..
ഇത്തിരി വഴികൂടി പിന്നിട്ടപ്പോള് ദേ..!
ഒരു മഹാന് തന്റെ ഇരുചക്ര ശകടത്തില് പാഞ്ഞുവന്നു -
വഴിയരികില് കെട്ടികിടക്കുന്ന ചെളിവെള്ളം
വളരെ മാന്യമായ രീതിയില് ദേഹത്തേക്ക് തെറിപ്പിച്ചു..!!
ഓണം പ്രമാണിച്ച് ഉടുത്ത കസവുകരയുള്ള സാരിയില്
അതിമനോഹരമായ ചിത്രങ്ങള്... ഹോ.. !!
ഇതിനാണോ ഈ മനുഷ്യര് ഇങ്ങിനെ പായുന്നത്?
മേലാല് ഉത്രാടപാച്ചില് എന്നു ആരെങ്കിലും
എന്നെ കേള്ക്കെ പറഞ്ഞാല്............,..!!
ഹും...!!ബാക്കി ഞാന് അപ്പൊ പറഞ്ഞോളാം...!
_പദ്മശ്രീ നായര്-_
No comments:
Post a Comment